SYC presenta en Santiago de Compostela a memoria anual de actividade 2016
Alumeado, freos e pneumáticos son os defectos máis comúns dos vehículos que non pasan a itv, e que foron un de cada catro o pasado ano.
A empresa Supervisión y Control, concesionaria do servizo de inspección técnica de vehículos en Galicia, presentou hoxe en Santiago a Memoria 2016 do servicio de ITV. No acto estiveron presentes o subdirector xeral de Administración Industrial da Xunta de Galicia, Ricardo Baños; o director xeral de Supervisión y Control, Juan Diego Rodríguez, e máis a voceira da empresa, Carmen Fernández, que foi a encargada de desglosar a memoria.
A de hoxe foi a pimeira comparecencia de Juan Diego Rodríguez como presidente de CITA, o Comité Internacional de Inspección Técnica de Vehículos, que reúne os órganos relacionados coa inspección de todo o mundo: máis de 120 socios de 50 países. Juan Diego Rodríguez é o primeiro galego en presidir este órgano, o que pon de manifesto o nivel de excelencia acadado polo sistema, metodoloxía e práctica profesional das ITV galegas.
Respecto da memoria de actividade, destacouse en primeiro lugar o cambio lexislativo introducido o 1 de xullo de 2016 polo Ministerio de Industria que incrementa a esixencia no cotrol de emisións contaminantes, e que propiciou un aumento notable de rexeitamentos neste capítulo, especialmente en turismos e mercadorías lixeiras, onde casi se duplicou. O rexeitamento aumenta mais canto mais antiguo é o vehículo, invertíndose a tendencia para vehículos cunha antigüidade superior aos 20 anos xa que son nos que maioritariamente non dispoñen de placa do fabricante, e polo tanto se manteñen os valores de rexeitamento de referencia que xa se aplicaban con anterioridade.
Xa respecto das inspeccións periódicas, no ano 2016 realizáronse en Galicia máis de 1.400.000 controis obrigatorios. Ao redor do 70% foron turismos, seguidos polos vehículos lixeiros de mercadorias, que supoñen un 14,5% do total. En 2016 incrementáronse as inspeccións nun 2,5%, por debaixo do incremento medio nacional, do 4%. Este incremento ven asociado a un maior envellecemento do parque de vehículos e a un importante crecemento en vehículos de mercadorías pesadas e os seus remolques, así como a un aumento do 13% nas inspeccións de autobuses e un descenso de inspeccións de ciclomotores e motocicletas debido á periodicidade bianual dos ciclomotores, que iniciaron a súa obligatoriedade no ano 2009 e polo tanto diminúen as inspeccións en anos pares.
Grazas á ITV, máis de 1 de cada 4 vehículos que no 2016 circulaban polas estradas galegas en condicións non aceptables para a seguridade vial e protección do medioambente foron retirados da circulación. É dicir, preto de 370.000 vehículos con defectos graves ou moi graves foron detectados e reparados antes da súa volta á circulación. En total realizaronse casi 400.000 reinspeccións –todas elas gratuitas- debido a que algúns dos vehículos rexeitados tiveron que acudir máis de dúas veces á para conseguir o resultado favorable. Un 88% dos vehículos reinspeccionados pasaron a segunda inspección á primeira. Os vehículos que teñen índices de rexeitamento mais elevados son os que se adican ao transporte de mercadorías, xa que están sometidos a maior utilización e condicións moito mais esixentes.
Respecto dos defectos, en 2016 detectáronse en Galicia 699.423 graves e moi graves, é dicir, que afectan á seguridade vial ou á protección do medioambente. Ademáis, foron detectados máis 1,2 millóns de defectos leves. Os sistemas de seguridade activa son os que presentan un maior número de defectos graves, empezando por freos, pneumáticos e alumeado e sinalización. A luz de cruzamento, desgaste na banda de rodaxe dos pneumáticos ou desequilibrio das forzas de freado son algúns dos defectos máis frecuentes. A idade media dos vehículos inspeccionados en casi todas as categorías de vehículos se atopa ao redor dos 15-16 anos, e sorprende o dato do parque de vehículos agrícolas inspeccionado, cunha idade media de 28 anos sendo o ano de matriculación más repetido 1978.
O subdirector xeral de Administración Industrial, Ricardo Baños, salientou a continua aposta de Supervisión y Control pola calidade e a innovación. Neste sentido referiuse á recente inauguración da estación de A Sionlla, que incorpora un deseño modular pioneiro e unha instalación especial para o control de vehículos eléctricos. Tamén aplaudiu o compromiso social da empresa, con programas de integración de persoas con diversidade funcional incorporadas a plantilla da empresa.
Pola súa banda, o director xeral de Supervisión y Control, Juan Diego Rodríguez, referiuse á aposta de SyC pola internacionalización do modelo galego de inspección, con presencia xa en Costa Rica e Arxentina, reforzada recentemente coa incorporación del servicio de inspección en cidade de Bos Aires.
Máis información en:
