As ITV asumen os retos de mobilidade do século XXI

Os cambios na automoción centraron o Foro Galicia sobre rodas que organizou El Correo Gallego coa presencia de autoridades e expertos. Nos debates estiveron presentes José Delfín Pérez, vicepresidente de Applus+ e Alberto Zalvide, director xeral das ITV integradas en SYC Applus, ademais do conselleiro de Economía, Emprego e Industria, Francisco Conde; o director xeral do Centro Tecnolóxico de Automoción de Galicia (CTAG), Luis Moreno; Marcos Barreira, director técnico do laboratorio do Centro de Enxeñería Mecánica e Automoción (CIMALab), e Jesús Cardenal, director do Grupo de Dinámica de Vehículos da UDC. 

Os 550 traballadores que integran a rede de 26 estacións fixas e 10 unidades móbiles de ITV en Galicia, baixo as ordes do director xeral de SyC Applus+, Alberto Zalvide Torrente, saben que todos os cambios que se producen na automoción acabarán chegando a eles. Non en balde velan por que os elementos de seguridade e emisións sigan sendo anos despois as que o fabricante dun vehículo ofrecía ao estrealo.

Un estudo do Instituto de Seguridade dos Vehículos Automóbiles Duque de Santomauro ( ISVA) certifica que as ITV evitan ao ano 133 vítimas mortais, doce mil feridos e 17.700 accidentes de tráfico, xunto a 406 mortes prematuras ao contribuír a diminuír a exposición aos contaminantes atmosféricos. Ante os desafíos tecnolóxicos que virán “a seguridade viaria e a protección do medioambiente seguirán sendo prioritarias”, e deberán ir compasado con “cambios na lexislación aplicable”. As ITV, dixo, prepáranse xa para límites máis estritos na proba de emisión de contaminantes e comezarán a medir sistemas como o airbag, o freo ABS, a dirección asistida… e mesmo testan xa vehículos híbridos e eléctricos ou a iluminación intelixente. “En 2030, o 35 % dos quilómetros percorridos serán en coches compartidos”, avisou Zalvide citando a PWC.

Artigo completo en El Correo Gallego