¡Deja Huella! pecha a súa primeira edición.
Santiago de Compostela acolleu a entrega de premios das tres entidades gañadoras do Concurso solidario ¡Deja Huella! no Hotel Monumento San Francisco.
Dende alí, Amador de Castro, presidente de Fomento de Iniciativas, quixo incidir na idea de “a importancia de centrarse no que podemos facer, cada un de nós, pola sociedade na que vivimos, unha pregunta básica, que dende Supervisión y Control tamén nos formulamos: que podemos facer polo noso país. E este concurso é o resultado“, sinalou.
“Como somos ambiciosos, pensamos que a empresa debía ser a protagonista á hora de exponer as iniciativas solidarias, pero non só en clave de axuda, senón involucrándose nos proyectos solidarios”
Tamén Carmen Bouso, directora Xeral de Traballo e Economía Social, fixo fincapé en que “todas aquelas iniciativas que poidan beneficiar á sociedade, aos traballadores e ao medio son bos exemplos de responsabilidade social corporativa a seguir en todas as empresas“, tal e como SYC itv leva desenvolvendo dende hai máis de 15 anos.
Por último, Francisco Conde, conselleiro de Economía e Industria, destacou que “a solidariedade non é un requisito moral, senón que tamén debe ser produtiva. Os pobos que máis destacaron ao longo da historia son os que están cohesionar en todos os aspectos, como o tecido solidario“, apreciou.
En palabras de Conde, “Supervisión y Control é unha empresa que se serve das ONGs para axudar, todo un exemplo á hora de transformar as sociedades mediante un pulo común“. Tamén quixo citar que “a responsabilidade social corporativa é unha grande oportunidade para construír mellores empresas que respondan á demanda social das compañías por medio de compromisos colectivos. E SYC é un exemplo de como se deben asumir estes compromisos“, relatou.
Por último, Conde felicitou a Guillermo Soto, quen presentou o proxecto da Fundación Meniños que resultou gañador nunha iniciativa que, en palabras do conselleiro, é “un símbolo da ética empresarial que Galicia aspira a lograr“.
Máis información en www.sycitv.com/dejahuella
