As probas de freado de camións e autobuses serán con carga.
A partir de agora, os camións e autobuses que superen as 10 toneladas de MMA estarán obrigados a pasar as ITV con carga para poder comprobar o correcto funcionamento dos seus sistemas de freado.
Esta medida é consecuencia da aplicación da Directiva 2010/48 que regula as inspeccións técnicas de vehículos. Desta forma, todos os vehículos industriais cunha MMA superior a 3.500 kg xa están obrigados a pasar cargados polas ITV (polo menos con 2/3 da súa capacidade ou un 66%) e iso co fin de poder realizar as correspondentes comprobacións técnicas do seu sistema de freado.
Esta medida foise aplicando de forma gradual ao longo do pasado ano e a súa entrada en vigor efectiva e total produciuse este verán.
Para realizar estas probas de freado a ITV pode aplicar dous métodos: un que fai obrigatoria a carga (vehículos con freos non pneumáticos) e outro reservado aos vehículos con sistema pneumáticos de freado, nos que se pode empregar o sistema de “avaliación por extrapolación”, aínda que tan só en determinadas circunstancias.
