Queremos que, neste temporal que azouta Galicia, conduzas seguro.
O temporal de vento e chuvia que azouta estes días a Galicia xa prexudicou especialmente ao norte de España, que foi o primeiro en padecer a borrasca que barre a península Ibérica de oeste a leste e que deixou xa cortes de luz en miles de fogares, caídas de árbores, vías cortadas e voos cancelados. Sabemos que conducir nestas circunstancias non é doado, por iso ofrecémosche uns cantos consellos que che axudarán na túa viaxe.
Conducir baixo chuvia intensa non é sinxelo, pero recorda que chegar ao noso destino de forma segura e cómoda é o principal.
En primeiro lugar, antes de saír, tes que planificar ben a viaxe. Se as condicións meteorolóxicas son moi adversas, intenta atrasar a túa saída.
En segundo lugar, é importante que revises o bo estado do teu vehículo. Viaxa co depósito cheo e os recambios necesarios no maleteiro do coche, roupa de abrigo, lanterna e cadeas. En zonas con temperaturas baixas, é recomendable utilizar pneumáticos de inverno.
Durante a viaxe, recorda que debes adaptar a túa condución ás circunstancias do tráfico e da estrada como, por exemplo, aumentando a distancia de seguridade co vehículo que che precede. Para aumentar a túa visibilidade, leva sempre as luces acendidas, mesmo de día.
E se conduces con chuvia intensa ou néboa, circunstancias presentes agora nas estradas galegas, reduce a velocidade e sinaliza as túas manobras con antelación. Ademais, se observas que se produce un empañamiento dos cristais intenta eliminalo mediante a climatización interna ou ben directamente cun pano.
Por último, con aquaplaning, mantén a calma, levanta o pé do acelerador suavemente e suxeita con forza o volante ata que notes que as rodas entran en contacto de novo co pavimento.
Conducir baixo chuvia intensa non é sinxelo, pero recorda que chegar ao noso destino de forma segura e cómoda é o principal. Boa viaxe!
