Applus+, distinguida coma unha das mellores empresas para traballar en España

A multinacional Applus+ recibirá mañá martes, 12 de febreiro, o premio Top Employers España 2019 como recoñecemento á excelencia nas condicións laborais que ofrece aos seus empregados. A entrega oficial terá lugar durante a Cea Anual de Certificación que se celebrará no Palacio Municipal de Congresos de Madrid. Un recoñecemento baseado na xestión de recursos humanos, que recoñeceu ás empresas máis punteiras do mundo en canto a estándar de benestar laboral para os seus traballadores.

O Top Employer Intitute é unha entidade internacional que cada ano elabora unha lista das mellores prácticas laborais. En España foron seleccionadas este ano un total de 94 empresas, entre as que se atopa a multinacional Applus+. Con 20.700 profesionais na actualidade, consolídase como un dos mellores lugares para traballar, non só polas condicións laborais, senón tamén polas oportunidades de crecemento profesional para os seus empregados, así como políticas de igualdade de xénero.

A multinacional Applus conta con 20.700 profesionais, está presente en 70 países e posúe 350 oficinas e laboratorios. Cunha forte implantación en Galicia, onde conta cunha das súas sedes principais. Abarca desde inspección industrial, coa sede de Applus+ Norcontrol na Coruña, laboratorios en Sada e oficinas en Ourense e Pontevedra, así como en enxeñería do automóbil, co Centro Tecnolóxico de Automoción de Galicia, e a inspección técnica de vehículos, con SyC – ITV.

No ano 2019 Top Employers seleccionou a 94 compañías como as mellores empleadoras de España. A obtención deste selo de certificación supón entrar a formar parte dunha comunidade global de organizacións con visión de futuro, que impulsa seguir traballando polas mellores prácticas para as persoas da compañía. A filosofía destas compañías e, en especial, a de Applus+ é facer crecer e desenvolver o talento en todos os niveis da organización, optimizando continuamente o desenvolvemento profesional e persoal dos seus empregados.

Para conseguir esta certificación como Top Employers, a compañía superou un rigoroso proceso analítico no que se avalían e auditan 600 boas prácticas de Recursos Humanos en dez áreas: estratexia de talento, planificación do persoal. adquisición de talent, on- boarding, aprendizaxe e desenvolvemento; xestión do desempeño, desenvolvemento do liderado, estión de carreira e sucesión, compensación e beneficios, e “cultura”.

Entre estas novas tendencias destacan a consolidación da xestión do cambio como unha das principais prioridades. O aumento de iniciativas para o benestar dos empregados e o peso das redes sociais, o mobile learning e a gamificación na formación. Tamén destaca o papel que desempeñan os seus empregados nas súas propias carreiras e plans de desenvolvemento persoal. As compañías Top Employers avalían cada vez máis as experiencias e necesidades dos seus distintos grupos de profesionais á hora de deseñar a súa proposta de valor ao empregado. Ademais, sublíñase o uso da comunicación multidireccional e o feedback dos empregados. Desta maneira, a estratexia do departamento de Recursos Humanos alíñase coa de negocio e avalíase como a xestión do talento impacta nos resultados empresariais.

O transporte de perecedoiros xa se homologa en Galicia

A conservación dos produtos perecedoiros, preservando a cadea de frío desde que saen desde os seus distintos puntos de produción ata que se poñen a disposición dos consumidores para a venda, ten nos operadores que transportan estas mercadorías a responsabilidade do cumprimento da normativa determinada para esta actividade. Neste sentido, a lexislación internacional á que está adherida España establece un control específico sobre como son e en que condicións deben manterse os vehículos que realizan este tipo de transporte.

Galicia colocouse á vangarda ao contar, desde principios deste ano, co primeiro laboratorio de frío do noroeste español que calcula o coeficiente de transmisión térmica das caixas climáticas que se utilizan para o transporte de mercadorías perecedoiras. Está nunha nave anexa ás instalacións que SyC Applus ten en Espírito Santo (Concello de Sada), onde se sitúa a sede central da empresa para a actividade de inspección técnica de vehículos, e que desde o pasado xaneiro investiu nesta nova infraestrutura cun potencial para atender tanto ao conxunto da frota galega de furgonetas e camións que operan con este tipo de alimentos, que se estima nuns 15.000 vehículos, como ás das comunidades autónomas máis próximas, sen renunciar ao conxunto do Estado.

Artigo completo en La Voz de Galicia

Alberto Zalvide: «A nova proba é o primeiro paso cara a una inspección máis adaptada á tecnoloxía actual»

A entrada en vigor do novo sistema de control de gases a través da centralita electrónica do vehículo supón unha proba máis na revisión dun vehículo nunha estación ITV. Explícao Alberto Zalvide, director xerente de SyC Applus, a empresa que xestiona 26 estacións fixas e 10 unidades móbiles de ITV en Galicia: «O condutor verá unha nova proba, na que lle abrimos o compartimento no que está a conexión da OBD e lle enchufamos a maquina».

A proba faise «antes da tradicional na que se comproba a emisión de gases conectada ao tubo de escape. Se nesa proba se detecta algún defecto nos sistemas a inspección considérase desfavorable e xa non se fai a proba de gases, porque os resultados estarían alterados. Entre eses defectos poden aparecer manipulacións ou fallos nos sistemas de xestión que só se poden detectar a través da centralita do vehículo».

 

Entrevista completa en La Voz de Galicia

Os rexeitamentos por defectos graves na carrocería aumentaron un 30 % en cinco anos

Os rexeitamentos a vehículos na Inspección Técnica de Vehículos (ITV) a consecuencia de defectos graves na carrocería aumentaron un 30 por cento nos últimos cinco anos, segundo un estudo de CertifiedFirst, que aglutina a expertos en chapa e pintura. En concreto, os datos apunta que os defectos graves, que provocan que non se supere a ITV á primeira visita ou nas sucesivas visitas creceron nun 28,1 por cento nos turismos, mentres que o crecemento dos fallos leves nestes vehículos superou o 45 por ciento.

Ler mais en Europa Press

A ITV non incrementará o prezo coa nova normativa

Este domingo 20 de maio entra en vigor o real decreto que varía a Inspección Técnica de Vehículos (ITV) e aplica numerosos cambios que afectan tanto aos operadores como aos clientes. Os rumores dunha posible subida de tarifas e o temor a que as medidas fagan que sexa máis complicado obter a pegatina da ITV provocou que moitos condutores decidan adiantar as súas inspeccións esgotando as citas para todas as estacións de servizo de Compostela. Así o confirma Alberto Zalvide, adxunto ao director xeral en Supervisión e Control (SYC), que relata que as últimas semanas notouse “un incremento, aínda que non excesivo, de inspeccións”.

Artigo completo en El Correo Gallego

Alberto Zalvide: “Coa a nova ITV non se van endurecer os parámetros para pasar a proba”

Alberto Zaldive, adxunto á dirección xeral de SyC-Applus, fala da nova normativa das ITV. “A partir de agora será requisito imprescindible para realizar a inspección que o vehículo dispoña de seguro obligatorio; o control será máis estrito”, explica. Zalvide insiste en que a proba non cambia para “a maior parte dos vehículos”: “Os turismos van ter a mesma, as motos e os ciclomotores, tamén” e que aínda que entra en vigor agora en maio empezará a ser obligatoria en setembro. 

 

Le a entrevista completa en La Opinión A Coruña 

Pneumáticos, freos e luces, principais puntos de rexeitamento

Os principais puntos de rexeitamento na ITV son os pneumáticos, os freos e as luces. Antes de vir pasar a inspección, verifica que as luces do teu vehículo funcionan correctamente, que os pneumáticos están en bo estado e que teñen a profundidade suficiente e que o nivel de aceite e a auga do limpaparabrisas sexa correcto. Deste xeito tan sinxelo podemos evitar ter que voltar a unha segunda inspección á nave. Aínda así, lembra que en Supervisión y Control as revisións de segunda inspección dentro dos 60 días de plazo son gratuítas. 

 

 

Os pneumáticos, consellos e mantemento

Os pneumáticos son o único punto de contacto entre o vehículo e o asfalto. A través deles damos as ordes de tracción, freada e dirección. Non deben presentar golpes, fendas ou bolos nos laterais e han ter, a lo menos, un debuxo de 1,6 milímetros. 

A estación de O Allo inspeccionou máis de 257.000 vehículos desde a súa apertura

Dende a súa posta en funcionamento, o 5 de xullo de 2012, a estación da ITV instalada no polígono de O Allo non parou de medrar tanto en número de revisións de vehículos como na creación de postos de traballo. Durante estes escasos sete anos de funcionamento leváronse a cabo 257.000 inspeccións e o número de traballadores incrementouse nun 250%, xa que pasou de 4 a 14.

Manuel Muíño Espasandín, alcalde de Zas, puxo de manifesto a importancia do servizo para o municipio e para toda a Costa da Morte. “A ITV foi un dos investimentos máis importantes da historia do noso concello, pero, máis alá do desembolso económico, a importancia do servizo radica en que creou postos de traballos directos e indirectos e evita o trastorno que lle supoñía á veciñanza desprazarse até Arteixo ou Santiago de Compostela para realizar un trámite tan importante para a seguridade viaria como é a inspección técnica dos seus vehículos”.

Preto de 12.000 revisións no que vai de 2018
Ano a ano, o número de inspeccións na ITV de O Allo medra de forma exponencial. O 68,52% das inspeccións realizadas dende os inicios corresponden a turismos; case o 19% a vehículos de mercadorías lixeiras, tales como furgóns e furgonetas de menos de 3.500 quilogramos, e case o 5% das inspeccións realizáronse a vehículos agrícolas.

Como consecuencia do aumento do volume de revisións tamén se incrementaron considerablemente o número de postos de traballo directos. A estación de O Allo abriu con dúas liñas de inspección directas –unha de turismos e outra universal– e cun equipo formado por catro persoas –tres encargadas da realización das inspeccións e unha da área administrativa–. 
Actualmente, a estación de O Allo conta cunha plantilla formada por 14 persoas –dez encargadas da inspección en nave, tres administrativas e un ordenanza que pertence ao proxecto de integración laboral de persoas con discapacidade intelectual Son Capaces–. O horario actual de atención ao público é de luns a venres, de 08.00 a 21.00, e os sábados de 08.00 a 14.30 horas, o que supón un total de 71 horas e media de atención ao público á semana.

Cada vez tamén se amplía máis a área de procedencia dos clientes, que chegan dende toda a comarca de Soneira e de moitos outros puntos da de Bergantiños e Xallas. Carballo, Mazaricos, Santa Comba e incluso Muros son algúns dos puntos xeográficos dende os cales se desprazan.

Carmen Fernández: “A nova ITV será máis esixente coa contaminación”

Carmen Fernández Díaz, voceira das ITV en Galicia, acudiu á entrevista do programa da TVG Bos Días para falar dos novos controis da Inspección Técnica de Vehículos.

“O 20 de maio entra en vigor o novo decreto, a reforma vén motivada por unha transposición dunha directiva europea. A partir do 20 de maio, a ITV que se pase en España será homologable en toda a Unión Europea. Por iso, os controis serán máis esixentes. A UE incide na protección do medio ambiente”.

“Preténdense implementar sistemas de diagnose a través un lector que funciona co ordenador de a bordo do vehículo para obter os datos relacionados coas emisións contaminantes”.

 

Ligazón á noticia na TVG